Logo

अधिक हवाइ भाडा नलिन मन्त्रालयको निर्देशन



संस्कृति, पर्यटन तथा नागरिक उड्डयन मन्त्रालयले नियमित अन्तर्राष्ट्रिय उडानको भाडा नेपाल वायु सेवा निगम सरह नै लिन नेपाल आउने विदेशी एयर लाइन्सलाई निर्देशन दिएको छ ।
यसबारे बारे मन्त्रालयले आज ६ बुँदे निर्णय निर्णय सार्वजनिक गर्दै हिमालय एयरलाईन्स र नेपाल वायुसेवा निगमको नियमित उडान भएका सेक्टरहरुमा नेपाली वायुसेवाहरुले तय गरेको भाडादर अनुसार नै उडान गराउन विदेशी एयरलाईन्सहरुलाई नेपाल नागरिक उड्डयन प्राधिकरणले निर्देशन दिने उल्लेख छ ।

यसैगरी बजेट एयरलाईन्सको सामान्य भन्दा कम भाडादर हुने गरी उडान संचालन गर्न निर्देशन दिने , चार्टर उडानसमेत मन्त्रालयले स्वीकृत गरेको भाडादरभन्दा बढी नहुने सुनिश्चित गर्ने, र कालोबजारी, अपारदर्शिता र अन्य गैरकानूनी मुनाफा कायम गरी भाडा नलिने वायुसेवा कम्पनीहरुलाई निर्देशन दिने ।


यसै गरी अगष्ट २०२० मा एयर अरेबियाको उडानबाट पिरिआर परीक्षण गराई आएका १४२ जनाको होटल क्वारेन्टाईन वापतको रकम सम्बन्धित यात्रुहरुलाई फिर्ता दिन र अब उप्रान्त यस्तो कार्य नगर्न नगराउन एयर अरेबियालाई लाई सचेत गराउने निर्णय पनि मन्त्रालयले गरेको छ ।

प्रतिक्रिया दिनुहोस्