ह्वात्तै बढ्यो महंगी, घ्यू तथा तेलको मूल्य नियन्त्रण बाहिर



 

काठमाडौ / गत वर्षको तुलनामा यो वर्ष मूल्यवृद्धि ह्वात्तै बढेको छ । सरकारले यो वर्ष मूल्यवृद्धि ६ दशमलव पाँच प्रतिशतमा सीमित गर्ने लक्ष्य राखे पनि मूल्यवृद्धि नियन्त्रण बाहिर गएको छ ।

नेपाल राष्ट्र बैंकले मंसिरमा महंगी ७ दशमलव ११ प्रतिशत पुगेको प्रतिबेदन सार्वजनिक गरेको छ । सो प्रतिवेदन अनुसार तराईमा ७.५२ प्रतिशतले महंगी बढ्दा काठमाडौं उपत्यकामा ५.९१ प्रतिशतले बढेको छ । उपत्यकामा भन्दा पहाडमा पनि बढी महंगी रहेको देखिन्छ । पहाडमा ६.९५ प्रतिशतले महंगी बढेको छ ।

के के मा बढ्यो मूल्य ?

बिशेषगरि मंसिरमा घ्यू तथा तेल, यातायात, दाल तथा गेडागुडी र शिक्षातर्फको महंगी धेरै बढेकाले सरकारको नियन्त्रणभन्दा बाहिर गएको छ ।

२०७७ मंसिरको तुलनामा यो वर्षको मंसिरमा घ्यू तथा तेल २८.५२ प्रतिशत, यातायात १६.२५ प्रतिशत र दाल तथा गेडागुडीको मूल्य ११.७९ प्रतिशतले बढेको देखिएको छ ।

कोरोना महामारीकै बीचमा विद्यालय तथा क्याम्पसले विद्यार्थीको शुल्क बढाउँदा शिक्षाको महंगी ११.७८ प्रतिशतर सुर्तीजन्य वस्तुको ११.७४ प्रतिशतले उकालो लागेको छ । क्षेत्रगत रुपमा हेर्दा तराईमा सबैभन्दा बढी महंगी बढेको देखिन्छ ।

बजारमा तेल तथा खाद्य पदार्थसँगै पेट्रोलियम पदार्थको भाउसमेत अकासिएको छ । जसले उपभोक्तालाई दैनिकी टार्नै सकसपूर्ण छ । सरकारले बजारमा नियमन गरेको देखाएपनि प्रभावकारी हुन सकेको छैन ।

महंगी भन्दा ज्याला तथा तलबको बृद्धि निकै कम मात्रै भएको छ । महंगी ७ दशमलव ११ प्रतिशतले बढ्दा दैनिक मजदुरी गरेर ज्याला लिनेहरुको आम्दानी भने जम्मा ५.७१ प्रतिशतले बढेको छ ।

 

 



प्रतिक्रिया दिनुहोस !
सम्बन्धित खबरहरु

काठमाडौ  / प्रधानमन्त्री शेरबहादुर देउवाले आफ्नो आज राष्ट्रका नाममा सम्बोधन गरेका छन् । नेपाली कांग्रेसका सभापति देउवा गत असार २९

  काठमाडौ / प्रधानमन्त्री शेरबहादुर देउवाले तीनै तहको चुनाव एक वर्षभित्र गर्ने वताएका छन्। शुक्रबार राष्ट्रका नाममा सम्बोधन गर्दै प्रधानमन्त्री

काठमाडौ  / पछिल्लो २४ घण्टामा १० हजार ७०३ जनामा कोरोनाभाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार

काठमाडौं । काठमाडौं उपत्यकामा आजराति १२ बजेदखि जोरबिजोर प्रणाली लागू हुने भनिए पनि केही क्षेत्रका सवारीसाधनमा जोरबिजोर प्रणाली लागू नहुने