३ कार्तिक २०७८, बुधबार

एक महिनामा ६० प्रतिशतले घट्यो कोरोना संक्रमण, खोपको कारण संक्रमण घटेको सरकारको दावी



 

 

काठमाडौ

नेपालमा सङ्क्रमण दर घट्दो क्रममा रहेको छ । संक्रमण दर १८.७ प्रतिशत र सङ्क्रमणमुक्त हुने दर ९६.७ प्रतिशत रहेको छ । यो पहिलेको तुलनामा ६० प्रतिशतले घटेको हो । स्वास्थ्य तथा जनसङ्ख्या मन्त्रालयले ६० प्रतिशतले सङ्क्रमण घटेको जनाएको छ । मन्त्रालयले एक महिनाका बीचमा ६० प्रतिशतले सङ्क्रमण घटेको मन्त्रालयको दावी छ।

मन्त्रालयका अनुसार भदौको पहिलो साता ४० हजार ३३८ जना सक्रिय सङ्क्रमित रहेकामा अहिले असोजको पहिलो साता त्यो सङ्ख्या १५ हजार ९४२ पुगेको छ । यो सङ्क्रमणमा उल्लेख्य कमी देखिएका कारणमध्ये कोरोना भाइरस विरुद्धको खोपको योगदान मुख्य रहेको वताइएको छ।

यसैगरी नेपालमा कोरोना भाइरस विरुद्धको खोप लक्ष्यअनुसार लगाएको सरकारको दावी छ । असोज मसान्तसम्म कूल जनसङ्ख्याको ३३ प्रतिशत जनसङ्ख्यालाई खोप लगाउने लक्ष्य रहेकोमा अहिलेसम्म पहिलो मात्रा ४० प्रतिशत र पूर्णमात्रा ३२ प्रतिशतलाई लगाइएको मन्त्रालयले जनाएको छ ।

पहिलो मात्रा ८७ लाख दुई हजार ७०५ र पूर्णमात्रा ६९ लाख ६२ हजार १६४ जनालाई लगाइएको छ । १८ वर्षभन्दा माथिका दुई करोड १७ लाख ५६ हजार ७६३ जनालाई खोप लगाउने सरकारको लक्ष्य रहेको छ ।

अहिले कूल परीक्षणमा ७ प्रतिशत मात्र सङ्क्रमण देखिने गरेको छ । पाँच सयभन्दा बढी सङ्क्रमित हुने जिल्लामा मोरङ, सुनसरी, झापा, काठमाडौँ, ललितपुर, भक्तपुर, कास्की र रुपन्देही रहेका छन् ।

नेपालमा अहिलेसम्म सङ्क्रमणमुक्त हुने नागरिक सात लाख ७५ हजार ७२ जना छन् भने सङ्क्रमणबाट ११ हजार २२१ जनाको निधन भइसकेको छ । हाल देशभर ३१७ जना सघन उपचार कक्ष ९आइसीयू०, ११३ जना भेन्टिलेटर, १४ हजार १६८ जना होम आइसोलेशन, एक हजार १७२ जना संस्थागत आइसोलेशन र २३६ जना क्वारेन्टिनमा रहेका छन् ।