२१ श्रावण २०७८, बिहीबार

काठमाडौँ उपत्यकामा स्मार्ट लक डाउन सुरु



उपत्यकाका तीनै जिल्लाका प्रमुख जिल्ला अधिकारीहरुको आज आइतबार बसेको संयुक्त बैठकले कोभिड संक्रमण उल्लेखनीय रुपमा नघटेको निष्कर्ष निकाल्दै केही थप क्षेत्र खुलाउँदै एक साताका लागि निषेधाज्ञा थप गर्ने निर्णय गरेको छ । यस अनुसार आगामी असार १४ गतेसम्म लागू हुने निषेध आज्ञामा निजी सवारी साधन जोर बीजोर नम्बरका आधारमा चल्नेछन् ।
निर्णय अनुसार आइतबार, मंगलबार र बिहीबार सुनचाँदी, भाँडा पसल, मोबाइल पसल बिहान ११ बजेदेखि अपरान्ह ४ बजेसम्म० खुल्नेछन् ।

सोमबार, बुधबार र शुक्रबार डिपार्टमेन्ट स्टोर, फेन्सीका पसलहरु खुल्नेछन् । यी पनि बिहान ११ बजेदेखि अपरान्ह ४ बजेसम्म मात्र खुल्नेछन् । खाद्यन्न पसल भने हरेक दिन बिहान ११ बजेसम्म खोल्न पाइने छ । निर्माण सामग्रीका पसलहरु पनि बिहान ११ बजेदेखि साँझ ६ बजेसम्म खोल्न पाइनेछ ।